نائیجیریا کے صوبہ سوکوٹو میں غلطی سے کھاد ملا پکوان کھانے سے ایک ہی خاندان کے 24 افراد ہلاک ہو گئے۔

افریقا نیوز کے مطابق صوبائی کمشنر صحت ڈاکٹر علی انامہ کے مطابق یہ واقعہ ڈانزانکا نامی دیہات میں پیش آیا جہاں ایک ہی خاندان کے 24 افراد نے نمک کے بجائے اپنے کھانے پر کھاد چھڑک دی جس سے ان کی موت واقع ہو گئی اور دو اسپتال میں زیر علاج لے لیے گئے۔

کمشنر صحت نےعوام کو متنبہ کیا کہ وہ اس واقعے سے سبق سیکھتے ہوئے مضر اشیاء کو کھانے پینے کی چیزوں سے دور رکھیں۔