اسلام آباد میں کشمیر ہائی وے پر بے قابو ڈمپر نے گاڑی کو روند ڈالا،حادثے میں 3 افراد جاں بحق ہوگئے۔

اسلام آباد کے سیکٹر جی نائن میں کشمیر ہائی وے پر ریت سے بھرے ڈمپر نے گاڑی کو کچل ڈالا، جس کے نتیجے میں گاڑی میں سوار 3 افراد موقع پر ہی جاں بحق ہوگئے۔

ریسکیو اہلکاروں نے لاشوں کواسپتال منتقل کردیا، جاں بحق افراد کا تعلق کیپیٹل ڈیولپمنٹ اتھارٹی (سی ڈی اے) سے بتایا جارہا ہے، پولیس نے ضابطے کی کارروائی کے بعد لاشوں کو ورثا کے حوالے کردیا۔