چین نے افغان دھڑوں کے درمیان مذاکرات کےلئے میزبانی پرآمادگی ظاہرکی ہے جس کا مقصد افغانستان میں امن اور مفاہمتی عمل کےلئے تعاون اور سہولت فراہم کرنا ہے۔
اقوام متحدہ کی سلامتی کونسل میں اظہار خیال کرتے ہوئے چین کے مستقل مشن کے ناظم الامور دائے بنگ نے کہا افغانستان سے امریکی اورنیٹو افواج کے جلد بازی میں کئے گئے انخلاء کی وجہ سے ملک جنگ اور امن کے تاریخی موڑ پرکھڑا ہے۔
دائے نے کہا افغانستان میں امن اور مفاہمت کے عمل میں پیشرفت کےلئے کوششوں کی ضرورت ہے۔
انہوں نے عالمی برادری سے بھی مکمل جنگ کو روکنے، امن ومصالحت میں پیشرفت اور دہشتگردی سے نمٹتے ہوئے امن عمل آگے بڑھانے پر زوردیا۔
