وزیر مملکت برائے پارلیمانی امور علی محمد خان نے کہا ہے کہ حکومت سگریٹوں پرٹیکس میں اضافے کےلئے تمام متعلقہ قوانین پرعملدرآمد یقینی بنانے کی غرض سے تمام ضروری اقدامات کرے گی۔
اسلام آباد میں ایک سیمینار سے خطاب کرتے ہوئے انہوں نے کہاکہ صحت سے متعلق حکمت عملی کی تشکیل نو سے معاشرے کے محروم افراد کو زیادہ فائدہ ہوگا اور صحت کی مجموعی صورتحال میں بہتری ہوگی جو وقت کا تقاضا ہے۔
وزیرمملکت نے کہاحکومت تمباکو کے نقصان دہ اثرات سے پاکستانی بچوں کو محفوظ رکھنے کےلئےتمباکوکی بڑی صنعتوں کی طرف سے درپیش تمام چیلنجوں پرقابو پالے گی انہوں نے سگریٹ نوشی کے خلاف میڈیا پرآگاہی مہم چلانے کی ضرورت پر زوردیا.
