لندن:انگلینڈ کیخلاف پہلے ٹیسٹ سے قبل بھارتی ٹیم کو دھچکا لگ گیا،اہم بلے باز ماینک اگروال انجری کے سبب ٹیم سے باہر ہوگئے ۔

ماینک اگروال نیٹ پریکٹس کے دوران محمد سراج کی گیند سر پر لگنے سے انجری کا شکار ہوئے جس کے باعث ان کو پہلے ٹیسٹ میچ سے باہر کردیا گیا ۔

دوسرے ٹیسٹ میں ان کی شمولیت کا فیصلہ میڈیکل ٹیم کی مشاورت سے کیا جائے گا۔

بھارت کی ٹیم ان دنوں پانچ میچوں کی ٹیسٹ سیزیز کھیلنے کیلئے انگلینڈ میں موجود ہے،دونوں ٹیموں کے درمیان پہلا ٹیسٹ میچ 12 اگست سے شروع ہوگا۔