وزیر خارجہ شاہ محمود قریشی کہتے ہیں کہ افغان سفیر کی بیٹی کے ساتھ پیش آنے والے واقعے میں مجرموں کو تلاش کرنے کےلئے تحقیقات جاری ہیں۔
وزیر خارجہ شاہ محمود قریشی نے قومی سلامتی کے مشیر ڈاکٹر معید یوسف اور اسلام آباد کے انسپکٹر جنرل کے ہمراہ ایک نیوز کانفرنس کی.
انہوں نے کہا افغانستان کی تحقیقاتی ٹیم کے ساتھ مکمل تعاون کیا جائے گا۔
آئی جی اسلام آباد نے اس موقع پر کہا کہ اسلام آباد کی پولیس کیس کی تحقیقات اور مجرموں کی شناخت کےلئے ٹھوس اقدامات کر رہی ہے۔
انہوں نے کہا کہ اس سلسلے میں اسلام آباد پولیس کی پانچ مختلف کمیٹیاں تشکیل دی گئی ہیں۔ 220 افراد کے انٹرویوز کے علاوہ سات گھنٹے کی تین سی سی ٹی وی ریکارڈنگز کا جائزہ لیا گیا ہے۔
