کراچی میں کے الیکٹرک کی غفلت، لاپرواہی اورغیر ذمہ داری نے ایک اور زندگی نگل لی، بارش کے دوران ایف بی ایریا کی حسین آباد فوڈ اسٹریٹ پر کھڑا موٹر سائیکل سوار راحیل کرنٹ لگنے سے زندگی سے ہاتھ دھو بیٹھا۔
راحیل، حسین آباد کے اسپتال میں داخل اپنی بیوی کیلئے دوائیاں لے کر واپس جارہا تھا کہ اسے کرنٹ لگ گیا، راحیل کی لاش بیس منٹ تک پانی میں تیرتی رہی۔
اس دوران اسپتال میں اس کے بیٹے کی ولادت ہوئی، عینی شاہد شہاب الدین کا کہنا ہے کے الیکٹرک کی غفلت سے راحیل کی جان گئی۔
نوجوان کی ہلاکت پر سول سوسائٹی کے افراد نے عزیزآباد تھانے کے باہر احتجاج کیا۔
ان کا کہنا تھا کہ کرنٹ لگنے سے جاں بحق راحیل کی لاش کافی دیر تک سڑک پر رہی، کے الیکٹرک کے خلاف مقدمہ درج ہونا چاہئے۔
