کوئٹہ میں گزشتہ روزایئر پورٹ روڈ کے قریب ہونے والے دھماکے کا مقدمہ درج کرلیا گیا۔

ترجمان سی ٹی ڈی کے مطابق دھماکے کا مقدمہ متعلقہ تھانے کے ایس ایچ او کی مدعیت میں تھانہ سی ٹی ڈی میں درج کیاگیا،مقدمے میں قتل، اقدام قتل سمیت دہشتگردی کی دفعات شامل ہیں۔

واضح رہے کہ گزشتہ روز ایئر پورٹ روڈ کےقریب دھماکے میں 7 افراد زخمی ہوئے تھے، ابتدائی تحقیقات کے مطابق دھماکے میں 3 سے 4 کلو دھماکا خیز مواد استعمال کیا گیا جو موٹرسائیکل میں نصب کیا گیا تھا۔