کراچی میٹرک بورڈ کے تحت پانچ جولائی سے امتحانات کا آغاز ہوگا۔ رواں سال طلبہ صرف اختیاری مضامین کے پرچے دینگے جبکہ ساڑھے تین لاکھ سے زائد امیدوار امتحانات میں شریک ہونگے ۔

کراچی میں میٹرک کے امتحانات کا آغاز 5 جولائی سے ہوگا۔ حکومتی فیصلے کےمطابق رواں سال صرف اختیاری مضامین کےپیپرز ہونگے۔

نہم سائینس گروپ کے طلبہ و طالبات 4 پرچے دینگےسائینس گروپ میں میتھس، فزکس،کیمسٹری،بائیولوجی یا کمپیوٹر کا پرچہ دینا ہوگا جبکہ دسویں جماعت سائینس گروپ کے طلبہ و طالبات 2 پر چے دینگےدہم سائینس گروپ میں فزکس اور میتھس کا پرچہ دینا ہوگا نویں جماعت جنرل گروپ کے طلبہ و طالبات 4 پرچے دینگےنویں جنرل گروپ میں جنرل میتھس، جنرل سائینس، اکنامکس ، سوکس یا منتخب کردہ پرچہ دینگےدہم جنرل گروپ کے طلبہ و طالبات 2 پرچے دینگےجنرل گروپ کے طلبہ اکنامکس، سوکس، یا منتخب کردہ پرچے دینگےنویں جماعت کے طلبہ و طالبات نیواسکیم آف اسٹیڈیز کے مطابق پرچے دینگے۔ رواں سال تقریبا ساڑھے تین لاکھ امیدوار امتحانات میں شرکت کر یں گےامتحانات کےلیے ساڑھے چار سو سے زائد امتحانی مراکز بنائے گئے ہیں۔

ناظم امتحانات سید محمد علی شائق کےمطابق والدین سے گزارش ہے کہ امتحانی مراکز پر رش لگانے سے اجتناب کریں امتحانی مراکز کی انتظامیہ ایس او پیز پر عملدرآمد کو یقینی بنائیں۔