کراچی:سندھ کابینہ نے سرکاری ملازمین کی تنخواہوں میں 20 فیصد اضافے کی منظوری دے دی۔
سندھ حکومت کے ترجمان مرتضیٰ وہاب نے سماجی رابطے کی ویب سائٹ ٹوئٹر پر جاری بیان میں سندھ کابینہ کی جانب سے سرکاری ملازمین کی تنخواہوں میں 20 فیصد اضافے کی منظوری دیئے جانے کی تصدیق کی۔
#Sindh Cabinet has approved an increase of 20% in the salary of Govt employees & also set the minimum wage at 25,000 in the province. No new tax is being introduced by #SindhGovt #SindhBudget
— Murtaza Wahab Siddiqui (@murtazawahab1) June 15, 2021
مرتضیٰ وہاب نے کہا کہ صوبائی کابینہ نے کم از کم اُجرت 25 ہزار روپے کرنے کی بھی منظوری دے دی ہے۔
صوبائی ترجمان کا کہنا تھا کہ نئے مالی سال کے بجٹ میں کوئی نیا ٹیکس نہیں لگایا جائے۔
دوسری جانب وزیراعلیٰ سندھ مراد علی شاہ کی صدارت میں کابینہ کے اجلاس میں مالی سال 22-2021 کیلئے 1.477 ٹریلین روپے بجٹ کی منظوری دی گئی ہے۔
ترجمان وزیراعلیٰ نے کہا کہ کابینہ نے نئے مالی سال 22-2021 کے ترقیاتی بجٹ پر بحث کے بعد منظوری دے دی ، نئے مالی سال کی ڈیمانڈ فارگرانٹس اورسپلیمنٹری گرانٹس پر دستخط کرکے منظوری دے دی گئی۔
