واپڈا نے شیڈول سے پہلے تربیلا پن بجلی گھر میں صفائی اور تعمیراتی کام کا میابی سے مکمل کر کے دو ٹنلز کو فعال کر دیا ہے۔

واپڈا کے ترجمان کے مطابق عالمی بینک کے مالی تعاون سے مکمل ہونے والے ان تعمیراتی کاموں کا مقصد تربیلا ڈیم کی بجلی کی پیداواری صلاحیت میں اضافہ کرنا ہے۔

انہوں نےکہاکہ ان تعمیراتی کاموں کی تکمیل اور تربیلامیں پانی ذخیرہ کرنے کی سطح میں اضافے کے ساتھ پن بجلی گھر کے دو مزید یونٹس نے شیڈول سے 21 دن پہلے بجلی کی پیداوار شروع کر دی ہے جس سے تربیلا ڈیم کی بجلی کی پیداواری صلاحیت 672 میگا واٹ کے اضافےکےساتھ 1358 میگاواٹ سے2030 میگاواٹ ہو گئی ہے۔

تربیلا سے 10 دن کے دوران بجلی کی پیداوار 3800 میگاواٹ تک ہو جائے گی۔

ریڈیو پاکستان