لاہور:وزیر خارجہ شاہ محمود قریشی کا کہنا ہے کہ اسلامو فوبیا کیخلاف عالمی سطح پر مؤثر اقدامات اٹھانے کی ضرورت ہے۔
وزیر خارجہ شاہ محمود قریشی اور گورنر پنجاب چوہدری سرور کے درمیان ہونے والی ملاقات میں گورنر کے دورہ امریکا، مسئلہ فلسطین و کشمیر سمیت دیگر امور پر بات چیت کی گئی۔
شاہ محمود قریشی اور گورنر پنجاب نے کینیڈا میں پیش آنے والے واقعہ کی شدید مذمت اور اظہار افسوس کیا۔
وزیر خارجہ نے کہا کہ کینیڈا میں ہمارا سفارتخانہ متاثرہ خاندان کیساتھ مسلسل رابطے میں ہے ،اسلامو فوبیا کیخلاف عالمی سطح پر مؤثر اقدامات اٹھانے کی ضرورت ہے۔
گورنر پنجاب کا کہنا تھا کہ وزیراعظم عمران خان اسلامو فوبیا کخلاتف امت مسلمہ کے تر جمان ہیں، وقت آچکا ہے کہ دنیا اسلامو فوبیا کے خاتمے کیلئے عملی اقدامات کرے،مسئلہ کشمیر اور مسئلہ فلسطین کے حل کے بغیر دنیا میں امن قائم نہیں ہوسکتا۔
