اسلام آباد:وفاقی وزیراطلاعات ونشریات فواد چوہدری نے بجٹ میں تنخواہ دار طبقے کو بڑا ریلیف ملنے کی نوید سنادی اور کہا کہ کورونا فرنٹ پرپاکستان کی ریکوری نے دنیا کو حیران کر دیا ہے۔
وفاقی وزیر فواد چوہدری نے سماجی رابطے کی ویب سائٹ ٹوئٹر پر اپنے ٹویٹ میں لکھا کہ اچھی خبروں کاسلسلہ جاری ہے، کویت نے10سال بعد پاکستان کیلئے ورک ویزا ءکا اجراء شروع کر دیا ہے، کورونا فرنٹ پر پاکستان کی ریکوری نے دنیا کو حیران کر دیا ہے، بھارت سمیت خطے کے ممالک اس موذی مرض سے نبرد آزما ہیں،ہمارے ہاں کراچی کے علاوہ تمام ملک میں کورونا کی شرح 4فیصد سے بھی کم ہو گئی ہے۔
اچھی خبروں کا سلسلہ جاری ہے کویت نے دس سال بعد پاکستان کیلئے ورک ویزا کا اجراء شروع کر دیا ہےکرونا فرنٹ پر پاکستان کی ریکوری نے دنیا کو حیران کر دیا ہےبھارت سمیت خطے کیلے ممالک اس موذی مرض سے نبرد آزما ہیں ہمارے ہاں کراچی کے علاوہ تمام ملک میں کرونا کی شرح 4% سے بھی کم ہو گئ ہے
— Ch Fawad Hussain (@fawadchaudhry) June 1, 2021
ایک اور ٹویٹ میں فواد چوہدری نے کہا کہ بجٹ میں تنخواہ دار طبقے کو بڑا ریلیف ملے گا،ہمارے ہاں مہنگائی میں اضافہ ہوا ہےلیکن قوت خرید میں اضافہ بھی اسی شرح سے ہو رہا ہے جو خوش آئند ہے، امید ہے اگلے 2سالوں میں عمران خان کی قیادت میں ملک منزل کے قریب ہو گا۔
بجٹ میں تنخواہ دار طبقے کو بڑا ریلیف ملے گا، ہمارے ہاں مہنگائ میں اضافہ تو ہوا ہے لیکن قوت خرید میں اضافہ بھی اسی شرح سے ہو رہا ہے جو خوش آئند ہے، امید ہےاگلےدو سالوں میں عمران خان کی قیادت میں ملک منزل کے قریب ہو گا۔
— Ch Fawad Hussain (@fawadchaudhry) June 1, 2021
