بولی وڈ کے معروف اداکار امیتابھ بچن بھارتی فلم انڈسٹری کی مشہور اداکارہ سنی لیون کے پڑوسی بن گئے ہیں۔

بھارتی ذرائع ابلاغ کے مطابق امیتابھ بچن نے شہر کے پوش علاقے میں 31 کروڑ روپے مالیت کا قیمتی ڈپلیکس اپارٹمنٹ خریدا ہے جس کا کل رقبہ 5184 اسکوائر فٹ ہے۔

اس اپارٹمنٹ کی قیمت 60 ہزار بھارتی روپے فی اسکوائر فٹ ہے، جو ایک پوش علاقے کے پروجیکٹ میں 27 ویں اور 28 ویں منزل پر مشتمل ہے۔ اپارٹمنٹ کے ساتھ انہیں 6 گاڑیوں کی پارکنگ کی جگہ بھی دی گئی ہے۔

امیتابھ کی جانب سے اس اپارٹمنٹ کی اسٹیمپ ڈیوٹی کی مد میں 62 لاکھ روپے جمع کرادیے گئے ہیں۔

اسی پروجیکٹ میں دیگر بھارتی اداکاروں کے بھی اپارٹمنٹس موجود ہیں۔ کمپلیکس میں سنی لیون نے 16 کروڑ بھارتی روپے میں اپارٹمنٹ مارچ میں خریدا تھا۔