اسلام آباد:سعودی عرب نے غیر ملکی افراد کو حج کی اجازت دے دی،پاکستان سمیت دنیا بھر سے 60ہزار عازمینِ حج حجازِ مقدسہ آسکیں گے۔

سعودی حکومت نے غیر ملکیوں کو حج کی اجازت دینے کا فیصلہ کیا ہے اور طے کیا کہ رواں سال 60ہزار غیر ملکی عازمین حج ادا کرسکیں گے ،کورونا کے بعد پہلی بار غیرملکیوں کو سعودی عرب حج پر آنے کا موقع مل سکے گا۔

وزیراعظم کے نمائندہ خصوصی علامہ طاہر اشرفی نے بھی سعودی فیصلے کی تصدیق کردی ۔

علامہ طاہر اشرفی نے کہاکہ سعودی حکومت کا فیصلہ خوش آئند ہے،18سال سے کم اور 60 سال سے زائد عمر کےافراد حج نہیں کرسکیں گے جبکہ عازمین کو کورونا ویکسی نیشن کے ساتھ سعودی عرب میں 3 دن قرنطینہ کرنا ہوگا۔

انہوں نے مزید کہا کہ حج کےخواہشمندافرادکومیڈیکل سرٹیفکیٹ پیش کرنا ہوگا،خواہشمند افرادکو رپورٹ دیناہوگی،6ماہ میں بیمار نہیں ہوئے ،پاکستان سے کتنے عازمین حج اداکریں گے اس بات سے ابھی آگاہ نہیں کیا گیا۔