پارلیمنٹ کی کشمیر کمیٹی کے چیئرمین شہریار خان آفریدی کہتے ہیں نہتے فلسطینیوں پر اسرائیلی بمباری انسانیت پر حملہ ہے۔
بدھ گوایک ٹویٹ میں انہوں نے غزہ کے دلخراش مناظر پر تشویش ظاہر کرتے ہوئے کہا کہ اسرائیلی بربریت گونگی اور بہری دنیا کو جگانے کےلئےکافی ہے۔
شہریار آفریدی نے افسوس ظاہر کیا کہ اسرائیل نے فلسطینیوں پر حملے کےلئے رمضان کے مقدس مہینے کا انتخاب کیا۔
دوسری جانب پاکستان میں فلسطینی سفیر احمد امین نے فلسطینی عوام کے ساتھ کھڑے ہونے پر پاکستان کا شکریہ ادا کیا۔
