مسلم لیگ ن کے صدر شہباز شریف نے مہنگائی میں اضافے پرحکومت کو تنقید کا نشانہ بناتے ہوئے کہا ہے کہ حکومت نے کم آمدنی والے طبقات سے تعلق رکھنے والے افراد کی زندگی کو جہنم بنا دیا ہے۔

مسلم لیگ ن کے صدر شہباز شریف نے ادارہ شماریات کی رپورٹ پر اپنے ٹویٹ میں حکومت کو سخت تنقید کا نشانہ بنایا ہے۔

شہبازشریف نے کہا کہ پاکستان بیورو آف شماریات کے جاری اعداد و شمار خصوصا اشیائے خوردونوش کی قیمتیں مہنگائی میں بتدریج اضافے کی نشاندہی کرتے ہیں ۔حکومت نے کم آمدنی والے افراد کی زندگی کو جہنم بنا دیا ہے۔نااہلی ،لالچ اور بے حسی کا مجموعہ ملک کے لئے بری طرح نقصان دہ ہے۔