وزیراعظم عمران خان نےوفد کےہمراہ اسلامی تعاون تنظیم کے سیکریٹری جنرل ڈاکٹر یوسف العثیمین سےملاقات کی۔او آئی سی کے مسئلہ کشمیر کے حوالے سے کردار کو سراہا۔

جدہ میں وزیراعظم عمران خان نےوفد کے ہمراہ اسلامی تعاون تنظیم او آئی سی کے سیکریٹری جنرل ڈاکٹر یوسف العثیمین سے ملاقات کی جس میں او آئی سی کےجنرل سیکریٹری نے تنظیم کی جانب سے امت مسلمہ کےلئے فعال کردار کے بارے میں آگاہ کیا۔

وزیراعظم پاکستان نے کہا کہ امت مسلمہ کو ایک دوسرے کے قریب لانے میں او آئی سی کا کردار اہم رہا ہے۔اس کے ذریعے مزید مسلم ممالک کو قریب لایا جاسکتا ہے۔

اس کےعلاوہ مسئلہ کشمیر کےحوالے سے او آئی سی کے کردار پربات چیت کی گئی اور تنظیم کی جانب سے مسئلہ کشمیر کے حل کے لئے کی جانے والی کوششوں اور پاس کردہ قراردادوں کو سراہا گیا۔