اسرائیلی فوجیوں نے مقبوضہ دریائے اردن کے مغربی کنارے کے شہر نابلوس پر دھاوا بول دیا جس کے نتیجے میں 16 سالہ فلسطینی بچہ شہید ہوگیا۔

غیر ملکی خبر رساں ادارے کے مطابق فلسطین ہلال احمر کی طرف سے جاری کئے گئے تحریری بیان کے مطابق نابلوس کے علاقے اودالا میں اسرائیلی فوجیوں کی طرف سے شہید کئے گئے 16 سالہ فلسطینی بچے کی لاش وصول کر لی گئی ہے۔

بیان میں کہا گیا ہے کہ علاقے میں جھڑپوں کے دوران اسرائیلی فوجیوں کی طرف سے اصلی گولیوں سے مداخلت کے نتیجے میں ایک فلسطینی نوجوان زخمی ہوگیا جسے ہسپتال منتقل کر دیا گیا۔

فلسطینی وزارت صحت کی طرف سے جاری کئے گئے تحریری بیان میں بھی اودالا میں ایک فلسطینی نوجوان کی شہادت کی تصدیق کی گئی ہے تاہم شہید کی شناخت کے بارے میں کوئی معلومات فراہم نہیں کی گئیں۔