مسلم لیگ ن کے صدر شہباز شریف ضمانت ملنے کے بعد بیرون ملک جانے کےلئے پَر تولنے لگے۔اپنا نام بلیک لسٹ سے نکلوانے کےلئے لاہور ہائیکورٹ سے رجوع کرلیا۔

اپوزیشن لیڈر شہباز شریف کی درخواست میں وفاقی حکومت، وزارت داخلہ اور ایف آئی اے کو فریق بنایا گیا ہے۔

شہباز شریف نے مؤقف اختیار کیا ہے کہ انہیں لاہور ہائیکورٹ سے آشیانہ اقبال اور رمضان شوگر ملز ریفرنسز میں ضمانت ملی۔ضمانت کے بعد وہ بیرون ملک گئے اورپھر وطن واپس آگئے۔آمدن سے زائد اثاثہ جات کیس میں بھی عدالت انہیں ضمانت دے چکی ہے۔وفاقی حکومت کی جانب درخواستگزار کا نام بلیک لسٹ میں شامل کیا گیا جو بنیادی حقوق کی خلاف ورزی ہے۔ عدالت وفاقی حکومت کو درخواستگزار کا نام بلیک لسٹ سے نکالنے کا حکم دے۔