وزیر اعلی پنجاب کی معاون خصوصی فردوس عاشق اعوان نے صوبائی رہنماوں کے ہمراہ لاہور کے رمضان بازار کا دورہ کیا اور متعلقہ اسسٹنٹ کمشنر کو بہتر انتظامات پر شاباش دی،
وہ کہتی ہیں بیوروکریسی کو صدق دل سے کام کرنا ہو گا۔ سینیٹر اعجاز چوہدری بھی فردوس عاشق کی حمایت میں بول پڑے۔
برکت مارکیٹ رمضان بازار کے دورے کے بعد میڈیا سے گفتگو کرتے ہوئے فردوس عاشق اعوان کا کہنا تھا کہ حکومتی احکامات کی خلاف ورزی کرنے والوں سے سختی سے نپٹا جائے گا،شوباز شریف کے کارناموں کو پنجاب کے عوام بھگت رہے ہیں۔
سیالکوٹ واقعہ پر ردعمل میں معاون خصوصی کا کہنا تھا کہ حکومت اور بیوروکریسی ایک گاڑی کے دو پہیے ہیں لیکن گدھے اور گھوڑے ایک اصطبل میں نہیں باندھے جائیں گے۔
سینیٹر اعجاز چوہدری کا کہنا تھا کہ تحریک انصاف فردوس عاشق اعوان کے ساتھ کھڑی ہے۔ پارلیمانی سیکریٹری اطلاعات ندیم قریشی نے کہا کہ سیالکوٹ کے معاملے پر چیف سیکرٹری کو یک طرفہ بیان نہیں دینا چاہئیے تھا۔
