اسلام آباد:وفاقی کابینہ نے عید الفطر پر قیدیوں کی سزا میں 90 روز کمی کی منظوری دے دی۔

وزیراعظم عمران خان کی زیرصدارت وفاقی کابینہ کا اجلاس ختم ہوگیا،جس میں کابینہ نےقیدیوں کی سزامیں90روزکمی کی منظوری دے دی۔

اجلاس کے بعد وفاقی وزیر داخلہ شیخ رشید کا کہنا تھا کہ سزا میں معافی کا اطلاق سنگین جرائم میں ملوث قیدیوں پر نہیں ہو گا۔

شیخ رشید نے آئندہ بجٹ میں عوام کو خوشخبریاں ملنے کی نوید بھی سنائی اور کہا کہ حکومت کی جانب سے عوام کو بجٹ میں ریلیف دیا جائے گا۔