اسلام آباد:وفاقی وزیر منصوبہ بندی اسد عمر کا کہنا ہے کہ گزشتہ جون کے مقابلے میں اس وقت کوروناکے تشویشناک مریضوں میں 57 فیصد اضافہ ہوگیا، اب تک کورونا کا مقابلہ کرنے میں کامیاب رہے،اگر احتیاط نہ کی تو وباء کے پھیلاؤ سے کوئی سسٹم بھی مقابلہ نہیں کر پائے گا، اس لئے احتیاط لازم ہے ۔
نیشنل کمانڈ این آپریشن سینٹر(این سی او سی)کے سربراہ اسد عمر نے سماجی رابطے کی ویب سائٹ ٹوئٹرپر اپنے ٹوئٹ میں کہا ہے کہ ملک میں کورونا تشویشناک مریضوں کی تعداد 5 ہزار360 ہو چکی جو گزشتہ سال جون کے مقابلے میں57فی صد زائد ہے، تاہم ابھی تک ان کیسز سے نمٹنے میں کامیاب رہے ۔
Total number of critical care covid patients on oxygen reached 5360 yesterday. This is 57% more than the peak last june. Alhamdulillah have so far managed to cope with this huge increase because of proactively building capacity of the entire system from oxygen production to beds
— Asad Umar (@Asad_Umar) April 30, 2021
اسد عمرنے مزید کہاکہ آکسیجن کی پیداوار سے لےکر بستروں تک پورے نظام میں فعال صلاحیت ہے ،مربوط کاوشوں اور سرشار ٹیموں کی محنت سے مشکل چیلنج سے نبرد آزماں ہو رہے ہیں، ابھی چیلنج ختم ہوا، وباء بڑھ رہی ہے ۔
وفاقی وزیر اسد عمر نے بتایاکہ گزشتہ سال اکسیجن پیداوار کی صلاحیت 487 ٹن تھی جسے بڑھا کر 798 ٹن تک پہنچا دیا ہے۔
