اسلام آباد:کالعدم تحریک لبیک پاکستان(ٹی ایل پی )سے مذاکرات کے بعد قومی اسمبلی کےاجلاس کا شیڈول تبدیل کردیا گیااور جمعرات کو ہونے والا اجلاس اب آج ہوگا۔

حکومت اورکالعدم تحریک لبیک پاکستان کے درمیان مذاکرات کے بعد قومی اسمبلی کا اجلاس جمعرات کے بجائے آج طلب کرلیا گیا۔

گزشتہ روز اجلاس جمعرات تک ملتوی کیا گیا تھا تاہم اب قومی اسمبلی کا اجلاس اسپیکر اسد قیصر کی زیر صدارت آج سہ پہر3 بجے منعقد ہوگا۔

قومی اسمبلی اجلاس میں وزیرداخلہ شیخ رشید احمد اوروزیرمذہبی امورنورالحق قادری ایوان کواعتماد میں لیں گے، فرانسیسی سفیرکی ملک بدری قرارداد بھی ایوان میں پیش کی جائےگی۔