ایران نے نطنز جوہری مرکز پر پیش آنے والے واقعے کی ذمہ داری اسرائیل پر عائد کردی۔
غیرملکی خبررساں ادارےکےمطابق ایرانی وزیرخارجہ محمد جوادظریف نے کہااسرائیل، ایران کی طرف سے پابندیوں کے خاتمے کے سلسلے میں کامیابیوں کا بدلہ لینا چاہتا ہے اور یہ کہ ایران اس کا انتقام ضرور لے گا۔
ایرانی حکام کے مطابق نطنز میں بجلی کے نظام کو نشانہ بنایا گیا تاہم وہاں نہ تو کوئی تابکاری خارج ہوئی اور نہ ہی عملے کو کوئی خطرہ درپیش ہے۔
یاد رہے کہ گزشتہ روز ایک اسرائیلی ریڈیو نے بھی خفیہ ذرائع کے حوالے سے دعویٰ کیا کہ اسرائیلی خفیہ ایجنسی موساد نے ایران کی نطنز میں واقع جوہری تنصیب پر سائبرحملہ کیا ہے۔
