اسلام آباد:وفاقی وزیرسائنس اینڈ ٹیکنالوجی فواد چوہدری نے کہا ہے کہ ڈسکہ میں نون لیگ نہیں جیتی پی ٹی آئی ہاری ہے،نوازشریف کا کوئی نظریہ نہیں نہ ہی ن لیگ کوئی نظریاتی جماعت ہے،بلاول اور مریم کو لیڈر تسلیم کرنا جمہوریت کے منہ پر تھپڑ رسید کرنا ہو گا،پی ٹی آئی کو اپنی صفیں درست کرنا ہوں گی۔
وفاقی وزیر فواد چوہدری نے سماجی رابطے کی ویب سائٹ ٹوئٹر پر اپنے ٹویٹ میں کہا کہ نوازشریف کاکوئی نظریہ نہیں ہے نہ ہی ن لیگ کوئی نظریاتی جماعت ہے،ایک طویل عرصہ اقتدارمیں رہنےکی وجہ سے مفاداتی ٹولہ بن جاتاہے۔
فواد چوہدر ی نے مزید کہا کہ ان حواریوں کونظریاتی نہیں کہا جاسکتا،ڈسکہ میں ن لیگ نہیں جیتی پی ٹی آئی ہاری ہے اوراس کی وجوہات ہیں ،جن کی طرف میں پارٹی کے اندر توجہ دلاتاہی رہاہوں۔
نواز شریف کا کوئ نظریہ نہیں ہے نہ ہی نون لیگ کوئ نظریاتی جماعت ہے ایک طویل عرصہ اقتدار میں رہنے کی وجہ سے مفاداتی ٹولہ بن جاتا ہے ان حواریوں کو نظریاتی نہیں کہا جا سکتا، ڈسکہ میں نون لیگ نہیں جیتی PTI ہاری ہے اور اس کی وجوہات ہیں جن کی طرف میں پارٹی کے اندرتوجہ دلاتا ہی رہا ہوں https://t.co/CNVA3JxdE6
— Ch Fawad Hussain (@fawadchaudhry) April 11, 2021
وفاقی وزیر فواد چوہدری کا کہنا تھا کہ پاکستان میں جمہوریت کی امید عمران خان ہیں، ان کے مقابلے میں کوئی سیاسی قد کاٹھ کا لیڈر نہیں ہے، بلاول اور مریم کو پاکستان کا لیڈر تسلیم کرنا جمہوریت کے منہ پر تھپڑ رسید کرنا ہوگا، پی ٹی آئی کو اپنی صفیں درست کرنا ہوں گی،اس ملک کا مستقبل پی ٹی آئی اور عمران خان کی کامیابی سے وابستہ ہے۔
پاکستان میں جمہوریت کی امید عمران خان ہیں، ان کے مقابلے میں کوئ سیاسی قد کاٹھ کا لیڈر نہیں ہے، بلاول اور مریم کو پاکستان کا لیڈر تسلیم کرنا جمہوریت کے منہ پر تھپڑ رسید کرنا ہو گا، PTI کو اپنی صفیں درست کرنا ہوں گی اس ملک کا مستقبل PTI اور@ImranKhanPTI کی کامیابی سے وابستہ ہے
— Ch Fawad Hussain (@fawadchaudhry) April 11, 2021
