اسلام آباد:11اپریل کے بعد بھی تعلیمی ادارے بند رہیں گے یا کھلیں گے؟ اہم فیصلہ منگل کو این سی او سی کے اجلاس میں ہو گا ،وفاقی وزیر تعلیم شفقت محمود نے کہا ہے کہ تعلیمی اداروں سےمتعلق6 اپریل کو ہونے والے اجلاس میں صورتحال کا جائزہ لے کرفیصلہ کیا جائے گا۔
سماجی رابطے کی ویب سائٹ ٹوئٹر پر اپنے ٹویٹ میں وزیر تعلیم شفقت محمود نے کہا کہ نیشنل کمانڈ آیند آپریشن سنٹر کا اہم اجلاس منگل کو بلا لیا گیا ہے، جس میں تعلیم اور صحت کے وزرا ءکے علاوہ دیگر حکام شرکت کریں گے،اجلاس میں کورونا وائرس کی صورتحال کا جائزہ لیتے ہوئے تعلیمی اداروں کو کھولنے یا نہ کھولنے سے متعلق فیصلہ کیا جائے گا۔
Education and Health Ministers will meet at the NCOC Tuesday to decide whether to open or further close educational institutions. The exam situation will also be discussed. Whatever is decided will be a collective decision of the country’s health and education authorities & NCOC
— Shafqat Mahmood (@Shafqat_Mahmood) April 4, 2021
شفقت محمود کا مزید کہنا تھا کہ این سی اوسی اجلاس میں امتحانات کی صورتحال کا بھی جائزہ لیا جائے گا، تمام فیصلے اجتماعی طور پر ہوں گے۔
