اسکول کھلے رہیں گے یا پھر بند کردیے جائیں گے؟ ملک کے وزرائے تعلیم کی اہم بیٹھک آج لگے گی۔
نیشنل کمانڈ اینڈ آپریشن سینٹر کے اجلاس میں تعلیمی اداروں سے متعلق اہم فیصلہ ہوگا۔ حتمی اعلان وفاقی وزیر تعلیم شفقت محمود کریں گے۔
واضح رہے کہ ملک میں کورونا وائرس ایک بار پھر سر اٹھانے لگا ہے۔ مہلک وائرس نے مزید تیس افراد کی جانیں لے لیں۔
چوبیس گھنٹے کے دوران تین ہزار تین سو ایک افراد میں وائرس کی تصدیق ہوئی ہے۔ جبکہ کورونا وائرس سے اب تک تیرہ ہزار نو سو پینسٹھ افراد جان سے جاچکے۔
ملک میں چھ لاکھ سینتیس ہزار بیالیس افراد وائرس سے متاثر ہوچکے ہیں۔
