لاہور:گورنر پنجاب چوہدری محمد سرور کا کہنا ہے کہ بھارت مکمل طورپر تعصب پسند ہندوؤں کا ملک بن چکا ہے ،مودی آر ایس ایس کے دہشتگردوں کی سر پرستی کر رہا ہے ۔
گور نرپنجاب چوہدری محمد سرور نےبھارت میں مندر سے پانی پینے والے مسلمان بچے پر تشدد کی ویڈیوسماجی رابطے کی ویب سائٹ ٹوئٹر پرشیئرکردی۔
بھارت مکمل طور پر تعصب پسند ہندوؤں کا ملک بن چکاہے۔مسلم کمیونٹی پر تشدد معمول ہےلیکن خود ہٹلر مودی ان انتہاپسندوں کا سربراہ ہےوہ انکےخلاف کارروائی کیسےکرےگا۔مندر سےمخص پانی پینے پر مسلمان بچےپر تشدد بھارت میں انسانی حقوق کی صورتحال کی قلعی کھول رہاہے۔#MuslimLivesMatter@UN pic.twitter.com/GahaSUmDT2
— Mohammad Sarwar (@ChMSarwar) March 21, 2021
گورنرپنجاب چوہدری سرور نے کہا کہ بھارت مکمل طورپر تعصب پسند ہندوؤں کا ملک بن چکا ہے ،مودی آر ایس ایس کے دہشتگردوں کی سر پرستی کر رہا ہے ،بھارتی سیکیورٹی فورسز بھی انتہا پسندوں او دہشتگردوں کی حمایتی ہیں ،مسلمان ہونا بھارت میں آج جرم بن چکا ہے ۔
چوہدری سرور نے مزید کہا کہ بھارت میں انسانی حقوق کے قتل پرعالمی ادارے خاموشی ختم کریں ،اقلیتوں کیلئے بھارت دنیا کا خطر ناک ترین ملک بن چکا ہے،اقوام متحدہ بھارت میں اقلیتوں پرمظالم کا نوٹس لے۔
