کراچی کے علاقے اورنگی ٹاؤن میں رینجرز پر حملے کا مقدمہ محکمہ انسداد دہشتگردی پولیس اسٹیشن میں درج کرلیا گیا ،مقدمہ نامعلوم افراد کیخلاف رینجرزافسرکی مدعیت میں درج کیا گیا ۔

کراچی کے علاقے اورنگی ٹاون میں رینجرزموبائل پرحملے کا مقدمہ درج کرلیا گیا ، مقدمہ محکمہ انسداد دہشتگردی سیل رینجرزاہلکارغلام سرور کی مدعیت میں درج کیا گیا ۔

مقدمے میں قتل ، اقدام قتل ،املاک کو نقصان پہنچانے ،ایکسپلوزیو ایکٹ اوردہشتگردی کی دفعات شامل کی گئیں ہیں ۔

مقدمے میں مؤقف اختیارکیا گیا نامعلوم مسلح ملزمان نے ملک دشمن عناصر کی ایما ءپردہشتگردی کے ذریعے ملک میں عدم استحکام پھیلانے اورمذموم مقاصد کے حصول کی غرض سے موٹر سائیکل میں دھماکا خیزمواد سرکاری موبائل کو نشانہ بنایا ۔

دھماکے میں رینجرزاہلکارروشن علی شہید اور دورینجرز اہلکاروں سمیت 10شہری زخمی بھی ہوئے۔