لاہور کی مقامی عدالت میں گلوکار علی ظفر کے خلاف سوشل میڈیا مہم چلانے کے متعلق کیس کی سماعت۔ میشا شفیع کے خلاف چالان جمع کروا دیا گیا۔
جوڈیشل مجسٹریٹ ذوالفقار باری نے کیس کی سماعت کی۔ ایف آئی اے کی جانب سے میشا شفیع کے خلاف چالان جمع کروا دیا۔عدالت نے آئندہ سماعت پر میشا شفیع سمیت ملزمان کو طلب کرلیا۔
عفت عمر پیش ہوئیں۔ عدالت نے لینی غنی، فریحہ ایوب، حسیم الزمان اور علی گل کے پیش نہ ہونے پر اظہار برہمی کیا۔
ملزمان کی جانب سے طبیعت خرابی کی وجہ سے حاضری معافی کی درخواست جمع کروائی گئی۔
علی ظفر کے وکیل نے موقف اختیار کیا کہ میشا شفیع سمیت دیگر ملزمان نے ان کے خلاف سوشل میڈیا مہم چلا کر ساکھ کو متاثر کرنے کی کوشش کی۔
ایف آئی اے کے چالان میں کہا گیا ہے کہ ملزمان اپنے الزامات کے حق میں شواہد پیش نہ کر سکے۔
