اسلام آباد:وزیراعظم عمران خان نے قوم کو خوشخبری سناتے ہوئے کہا کہ مہنگائی میں کمی کیلئے ہماری کوششوں کے بہترین نتائج سامنے آ رہے ہیں، اپنی معاشی ٹیم کو چوکنا رہنے اور مہنگائی کنٹرول رکھنے کو یقینی بنانے کی ہدایت کی ہے۔
سماجی رابطے کی ویب سائٹ ٹوئٹر پر اپنی ٹوئٹ میں وزیراعظم عمران خان کا کہنا تھا کہ معاشی شعبے کے حوالے سے مزید اچھی خبریں آرہی ہیں،مہنگائی میں کمی کی ہماری کوششیں بہترین نتائج لارہی ہیں،قیمتوں کےاعشاریہ اورمہنگائی میں کمی ہوئی ہے۔
More good news on the economic front. Our efforts to reduce inflation are now showing results. Consumer price index & core inflation are both now lower than when our government was formed. I have told my economic team to stay vigilant & ensure that inflation stays under control.
— Imran Khan (@ImranKhanPTI) January 31, 2021
وزیراعظم نے مزید کہا کہ سی پی آئی اور بنیادی افراط زر ہماری حکومت کے قیام سے بھی پہلے والی سطح پر آگئے ہیں، میں نے اپنی معاشی ٹیم کو چوکنا رہنے اور مہنگائی کنٹرول رکھنے کو یقینی بنانے کی ہدایت کی ہے۔
جنوری میں مہنگائی میں اضافےکی شرح کم ہوکر 5.7فیصدپرآگئی،اسد عمر
دوسری جانب وفاقی وزیر منصوبہ بندی اسد عمر کا کہنا ہے کہ افراط زر میں کمی ہو رہی ہے، جنوری میں مہنگائی میں اضافےکی شرح کم ہوکر 5.7فیصدپرآگئی۔
وزیرمنصوبہ بندی اسدعمر نے سماجی رابطے کی ویب سائٹ ٹوئٹر پر اپنی ٹوئٹ میں کہا کہ مہنگائی میں اضافے کی شرح کم ہورہی ہے،افراطزرپی ٹی آئی حکومت سے قبل 5.8فیصدتھالیکن آج یہ کم ہوکر 5.7فیصدپر آگیا۔
Inflation continues to decline. Jan inflation (CPI) is down to 5.7%. Core inflation is at 5.4%. Last month (jul 2018) prior to PTI govt formation, CPI was 5.8% & core was 7.6%. The rate of inflation is LOWER today then when the PTI govt was formed. #PMIKECONPOLICYSUCCESS
— Asad Umar (@Asad_Umar) January 31, 2021
دوسری جانب مہنگائی سے ستائے شہری سخت پریشانی سے دوچار ہیں، شہریوں کا کہنا ہے کہ مہنگائی میں کمی صرف زبانی جمع خرچ تک ہے، آٹا، چینی، گھی، تیل، دال، سبزی کوئی چیز سستی نہیں۔
سرکاری اعدادوشمارکےمطابق دسمبرمیں افراط زرکی شرح7.9فیصدتھی جو کم ہوکر جنوری میں 5.7فیصد رہ گئی۔
