معروف بھارتی اداکار سونو سود نے ٹویٹر پر ایک ویڈیو شئیر کی ہے جس کے کیپشن میں انہوں نے لکھا ہے کہ یہ ’سونو سود درزی شاپ‘ ہے، ویڈیو میں ان کو کپڑے سیتے ہوئے دیکھا جاسکتا ہے۔

ویڈیو کے کیپشن میں سونو سود نے لکھا کہ ’یہ سونو سود کی درزی کی دکان ہے، یہاں مفت میں سلائی کی جاتی ہے۔‘ ساتھ میں انہوں نے خود کو ہی ٹرول کرتے ہوئے لکھا کہ ’پینٹ کی جگہ نکر بن جائے، اس کی ہماری گارنٹی نہیں ہے۔'

واضح رہے کہ سو نو سود غریب اور مستحق افراد کی مدد کے لئے ہمیشہ آگے آگے رہتے ہیں۔ کچھ ہفتوں قبل یہ رپورٹس سامنے آئی تھیں کہ غریبوں کی مدد کرنے کے لیے سونو سود نے تقریباً 10 کروڑ روپے کا قرض حاصل کیا جس کے لیے انہوں نے اپنی جائیدادیں گروی رکھوائی تھیں۔