کراچی کےعلاقے بن قاسم میں بچپن کے دوست نے ذاتی رنجش کی بنا پر دوست کو گولیاں مار کر قتل کردیا، واقعہ کے بعد ملزم موقع سے فرار ہوگیا۔
کراچی کے علاقے بن قاسم میں جیلانی بابا درگاہ کے قریب ذاتی رنجش پر بچپن کا دوست قاتل بن گیا، مبینہ طور پر بلاول شاہ نامی ملزم نے فائرنگ کرکے اپنے دوست منظر مہدی عرف زین کو قتل کردیا۔
لواحقین کا کہنا ہے کہ فائرنگ کے بعد فرار ہونے والا ملزم بلاول شاہ مقتول کے بچپن کا دوست تھا، پولیس نے جائے وقوعہ سے پستول کے پانچ خول تحویل میں لے کر فرار قاتل کی تلاش شروع کردی۔
