قدرتی گیس کے ذخائر میں مسلسل کمی ہورہی ہے، ہر سال گیس کی طلب بڑھ رہی ہے۔ شارٹ فال ڈھائی سو ایم ایم سی ایف ڈی ہے۔

سوئی سدرن گیس کمپنی کے ڈپٹی منیجنگ ڈائریکٹر سعید لارک کہتے ہیں گھریلو صارفین اولین ترجیح ہیں، عام صنعتوں کے کیپٹیو پاور پلانٹس کو گیس نہیں دیں گے۔

سندھ بھر میں گیس کا بحران جاری ہے ، ڈپٹی منیجنگ ڈائریکٹر سعید لارک نےگیس بحران کی وجہ بتاتے ہوئے کہاکہ گیس کے ذخائرکم جبکہ طلب مسلسل بڑھ رہی ہے۔

انہوں نے کہا گیس شارٹ فال سے متعلقہ وزارت کو آگاہ کردیا۔ فی الحال گھریلو صارفین کوگیس فراہمی ترجیح ہے۔ عام صنعتوں کے کیپٹیو پاور کو فراہمی بند کردی ہے۔

ان کا کہنا تھا کہ کلفٹن اور لیاری کے لئےالگ الگ پائپ لائنز پر کام جاری ہےجس کے بعد ان علاقوں میں گیس فراہمی بہتر ہوگی ۔جبکہ صارفین کے لئے کسٹمر یونٹ بھی قائم کردیا۔