آرمی چیف جنرل قمر جاوید باجوہ کی زیر صدارت ہونےوالی کورکمانڈرز کانفرنس میں کشمیریوں سےمکمل یکجہتی کااظہار کیا گیا ہے۔ آرمی چیف جنرل قمر جاوید باجوہ نے کہا کہ درپیش چیلنجز سے نمٹنے کیلئے قومی اداروں کو کردار ادا کرنا ہوگا۔
آئی ایس پی آر کے مطابق آرمی چیف جنرل قمر جاوید باجوہ کی زیر صدارت کور کمانڈرز کانفرنس ہوئی جس میں علاقائی اور ملکی سیکیورٹی کی صورتحال کاجائزہ لیاگیا۔سرحدوں کی صورتحال، داخلی سیکیورٹی اور پیشہ ورانہ دلچسپیوں کے امور بھی کور کمانڈرز کانفرنس میں زیر غور آئے۔
CCC was held @ GHQ today chaired by #COAS. The participants undertook comprehensive review of regional & domestic security environment with special focus on situation along the borders, internal security & other professional matters of the Army. (1/7) pic.twitter.com/8GwVSGYYNF
— DG ISPR (@OfficialDGISPR) January 5, 2021
کور کمانڈرز کانفرنس میں یوم حق خود ارادیت پر کشمیری بھائیوں کے ساتھ مکمل یکجہتی کا اظہار کیا گیا اور کہا گیا کہ پر عزم کشمیری انشاءاللہ کامیاب ہوں گے اور مسئلہ کشمیر کا حل کشمیریوں کی خواہش کے مطابق ہوگا۔
کور کمانڈرز کانفرنس میں افغانستان میں امن عمل پر اطمینان کا اظہار کیا گیا۔
کورکمانڈرزکانفرنس سےخطاب کرتےہوئےآرمی چیف جنرل قمرجاویدباجوہ نےکہاکہ قومی کوششوں سےخطرات کو مکمل شکست دی جاسکتی ہے، معاشرے کے تمام فریقین کواپنابامقصدکردار ادا کرنا ہوگا.ہر سطح پر بہترین صلاحیت سے تمام چیلنجز سے نمٹا جاسکتا ہے.قومی اداروں کو درپیش چیلنجز سے نمٹنے کےلئے کردار ادا کرنا ہوگا۔
