اے این پی رہنما میاں افتخار حسین کہتے ہیں کہ عمران خان کی حکومت کا خاتمہ ملک کےلئے ضروری ہے۔تم میڈیا پر قبضہ کرسکتے ہو، عوام کے دلوں پر نہیں۔ہم انکا مقابلہ کر کے دکھائیں گے۔

میاں افتخار کا کہنا تھا کہ وزراء کو اپنے محکموں کا پتہ نہیں ہوتا،بس پی ڈی ایم کےخلاف بولتے ہیں۔ایک اناڑی کو وزیرداخلہ بنادیا۔پنجاب کےلوگ اٹھ کھڑے ہوئے ہیں، ظلم کا خاتمہ قریب ہے۔

انہوں نے مزید کہا18 ویں ترمیم میں کوئی ترمیم نہیں ہونے دیں گے۔18ویں ترمیم ایک خاموش انقلاب ہے جو پاکستان کی بقا کےلئے ہے۔

انہوں نےیہ بھی کہاعمران! تمہارے دن گنے جاچکے ہیں۔ہم تمہارا مقابلہ، میدانوں اور اسمبلیوں میں کریں گے۔ مظلوم جیتیں گے اور ظالموں کو ہار ہوگی۔