جماعت اسلامی کی مرکزی مجلس شورٰی کا اجلاس طلب کرلیا گیا ہے، 3روزہ اجلاس کا آغاز 2 جنوری کو منصورہ میں ہوگا۔

امیر جماعت سراج الحق اجلاس کی صدارت کریں گے، پارٹی کے سیکرٹری اطلاعات کے مطابق مرکزی مجلس عاملہ کااجلاس آج منصورہ میں ہوگا۔

قیصر شریف کے مطابق اجلاس میں سالانہ کارکردگی کا جائزہ لیا جائے گا، انہوں نے مزید کہاکہ اجلاس میں حکومت مخالف تحریک کا بھی جائزہ لیا جائیگا،اور سیاسی صورتحال پر لائحہ عمل طے کیا جائیگا۔

انہوں نے مزید کہاکہ بعدازاں سراج الحق 4 جنوری کو آئندہ کےشیڈول کا اعلان کریں گے۔