دنیا بھرمیں کورونا کے وار تھم نہ سکے، مجموعی کیسز 8 کروڑ 2 لاکھ سے تجاوز کرگئے، مجموعی ہلاکتیں 17 لاکھ 57 ہزار 640 ہوگئیں۔

تفصیلات کے مطابق امریکا میں بدستور کورونا کیسز اور اموات میں اضافہ جاری ہے۔ 1200 مزید ہلاکتوں کے بعد مجموعی اموات 3 لاکھ 38 ہزار 263 تک پہنچ گئیں جبکہ مزید ڈیڑھ لاکھ کیسز بھی سامنے آگئے۔ صرف امریکا میں ہی مجموعی کیسز ایک کروڑ 92 لاکھ 10 ہزار سے تجاوز کرگئے۔

بھارت میں مزید 22 ہزار افراد کورونا کا شکار ہوگئے، برازیل میں کیسز 74 لاکھ 48 ہزار سے زائد ہوگئے۔ روس میں مزید 29 ہزار، جرمنی 26 ہزار، فرانس 20 ہزار اور اٹلی میں 19 ہزارسے زائد کیسز مثبت آگئے۔