نوسر بازوں نے معمولی بلب بھارتی نو لاکھ روپے میں بیچ دیا ۔ بھارتی ریاست اترپردیش کے شہر بریلی میں پولیس نے بروقت کارروائی کرکے تین ملزمان کو گرفتار کرلیا۔

پولیس کے مطابق معروف تاجر نتیش کمار کو ٹیلی فون پر کراماتی بلب کے بارے بتایا گیا کہ یہ بلب آپ کے کاروباری مسائل کو ختم کردے گا۔

یہ بلب سونا اور دیگر قیمتی دھاتیں اپنی طرف کھینچتا ہے اور اس طرح آپ کے گھر میں خوشحالی آجائے گی۔ تاجر نتیش جعلسازوں کے چکر میں آگیا اور ان سے ملنے چلا گیا۔

جہاں جعلسازوں نے خفیہ مقناطیس کے ذریعے مختلف کرتب دکھائے جس سے نتیش کمار متاثر ہوگیا اور بلب نو لاکھ میں خرید لیا۔ کچھ ہی دیر بعد اس کو احساس ہوگیا کہ اس کو جعلسازوں نے بیوقوف بنایا ہے۔

نتیش کمار نے مقامی تھانے میں رجوع کیا جہاں پولیس نے بروقت کارروائی کرکے تین ملزمان کو گرفتار کرلیا۔ پولیس کے مطابق تینوں جعلساز مختلف وارداتوں میں ملوث تھے اور پولیس کو مطلوب تھے۔