بحرین میں کانفرنس سے خطاب میں سعودی عرب کے وزیرخارجہ شہزادہ فیصل بن فرحان نے کہا کہ فلسطینی ریاست کے قیام کے بعد ہی اسرائیل سے تعلقات استوار ہوسکتے ہیں، آزاد فلسطینی ریاست سے خطے میں حقیقی امن قائم ہوگا۔

شہزادہ فیصل بن فرحان نے کہا کہ ہم اسرائیل کے ساتھ معمول کے مطابق تعلقات استوار کرنے کیلئے ہمیشہ سے تیار رہے ہیں، ہمارا یہ خیال ہے کہ اسرائیل کو خطے میں اس کا مقام ملے گا ۔لیکن اس کو وقوع پذیر ہونے اوراس کی پائیداری کیلیے ہمیں فلسطینیوں کی ریاست قائم کرنے کی ضرورت ہے اور ہمیں اس مسئلہ کا حل نکالنا ہوگا۔

سعودی وزیر خارجہ کا کہنا تھا کہ اسرائیلیوں اور فلسطینیوں کو دوبارہ مذاکرات کی میز پر لانے پر توجہ مرکوز کی جانی چاہیے۔