لاہور میں ٹک ٹاک کا جنون ایک اور نوجوان کی جان لے گیا، 22 سالہ نوجوان کنپٹی پر پستول رکھ کر ویڈیو بنا رہا تھا کہ اچانک گولی لگنے سے موقع پر دم توڑ گیا۔

لاہور کے تھانہ سندر کی حدود میں ٹاک ٹاک پر ویڈیو بناتے ہوئے ایک نوجوان جان کی بازی ہار گیا۔

عینی شاہدین کے مطابق نوجوان داؤد اپنے دوست عبدالرحمٰن کے ہمراہ دفتر میں کنپٹی پر پستول رکھ کر ٹک ٹاک ویڈیو بنا رہا تھا کہ اچانک گولی چلنے داؤد موقع پر ہی جاں بق ہوگیا جبکہ اسکے دوست عبدالرحمٰن کو زخمی حالت میں اسپتال منتقل کردیا گیا ہے۔

پولیس کے مطابق دونوں دوست پراپرٹی کے کام سے وابستہ تھے جبکہ دونوں کی عمریں 22 سے 25 سال کے درمیان ہیں تاہم ابتدائی تحقیقات کے مطابق حادثہ ٹک ٹاک بنانے کے باعث پیش آیا۔