نیویارک:دنیا بھر میں کورونا وائرس کے وار میں مزید تیزی آگئی، وائرس 11لاکھ 86ہزار 389جانیں نگل گیا جبکہ مجموعی کیسز 4کروڑ 53لاکھ 47ہزار700تک پہنچ گئے۔

امریکا بھی کورونا کے سامنے بے بس ہوگیا ،24گھنٹوں کے دوران امریکا میں 90ہزار سے زائد ریکارڈ کیسز رپورٹ ہوئے، مجموعی کیسز92لاکھ 12ہزار سےبڑھ گئے جبکہ اموات 2لاکھ 34ہزارسے اوپر چلی گئیں ۔

بھارت میں بھی کورونا وائرس کی صورتحال تشویشناک ہے ،کورونا کے مزید 568مریض جان سے گئے،48ہزارسے زائد نئے کیسز سامنے آنے کے بعد تعداد 80لاکھ 88ہزار تک پہنچ گئی۔

اس کے علاوہ برطانیہ میں کورونا کے مزید 23ہزار نئے کیسز سامنے آگئے جبکہ فرانس میں مزید 47ہزار سے زائد کیسز رپورٹ ہوگئے، ملک گیر لاک ڈاؤن نافذ کردیا گیا ۔