کرغستان کے صدر سورنبائی جین بِکوف نے آج اپنا استعفیٰ پیش کرتے ہوئے کہا ہے کہ وہ سیکیورٹی فورسز اور ان کے استعفے کا مطالبہ کرنے والے مظاہرین کے درمیان تصادم روکنا چاہتے ہیں۔
ایک بیان میں صدرنےکہا کہ انہیں خدشہ تھا کہ اگر مظاہرین نےان کی رہائش گاہ کی طرف مارچ کی دھمکی دی تو تشدد کے واقعات رونما ہوسکتے تھے۔
اس سے قبل سورنبائی جین بِکوف کے اتحادیوں نے چار اکتوبر کے پارلیمانی انتخابات میں برتری حاصل کی تھی تاہم بعد ازاں مظاہروں کے باعث حکومت ختم کردی گئی اور حکام کو ان انتخابات کو کالعدم قرار دینے پر مجبور کیا گیا۔
