منگلا ڈیم میں پانی کی سطح ڈیڈ لیول کے قریب پہنچ گئی ہے ،کل منگلا ڈیم سےسوا لاکھ کیوسک پانی دریائے جہلم میں چھوڑا جائے گا جس سے درمیانے درجے کے سیلاب کا اندیشہ ہے ۔

کمشنر راولپنڈی محمد محمود نے ڈپٹی کمشنر جہلم اور دیگر افیسران کے ہمراہ دریاۓ جہلم کا دورہ کرکے حفاظتی انتظامات کا جائزہ لیا اس دوران ریسکیو عملے نے مشقیں بھی کیں۔

کمشنر راولپنڈی نے بتایا کہ منگلا ڈیم میں پانی کی سطح بلند ہوگئی ہے جبکہ منگلا ڈیم میں پانی ذخیرہ کرنے کی گنجائش 1242فٹ ہے ۔

کمشنر راولپنڈی نے بتایا کہ سیلابی صورتحال سے جہلم شہر کو خطرہ نہیں نواحی علاقوں کو خطرہ ہے وہاں اعلانات کروا دئیے ہیں اور لوگوں کو محفوظ مقامات تک منتقل کیا جا رہا ہے۔