اسلام آباد:ڈپٹی کمشنر اسلام آباد کا کہنا ہے کہ آج سے عید تعطیلات تک اسلام آباد کے تفریحی مقامات بند رہیں گے، عوام گھومنے پھرنے کا پلان نہ بنائیں ۔

ڈپٹی کمشنراسلام آباد حمزہ شفقات نے سماجی رابطے کی ویب سائٹ ٹوئٹر پر اپنے ٹویٹ میں کہا ہے کہ کورونا کوکنٹرول کرنے کیلئے آج سے عید تعطیلات تک اسلام آباد کے تفریحی مقامات بند رہیں گے،مری ایکسپریس وے،مارگلہ،پارکس،تفریحی مقامات،ہوٹل وغیرہ،پکنک کے مقامات اورہل اسٹیشن بند ہوں گے۔

کرونا کو کنٹرول کرنے کے لئے آج سے عید تعطیلات تک مری ایکسپریس وے،مارگلہ،پارکس،تفریحی مقامات،ہوٹل وغیرہ،پکنک کے مقامات،ہل اسٹیشن بند رہیں گے۔سب سے گزارش ہے کہ پلیز فی الحال کوئی سیاحت/گھومنے پھرنے کا پلان نہ بنائیں۔اس دفعہ تھوڑی سی تکلیف برداشت کر لیں اور انسانی جانیں بچائیں

— Deputy Commissioner Islamabad (@dcislamabad) July 27, 2020

ڈپٹی کمشنر اسلام آبادنے مزید کہا کہ عوام سے گزارش ہے کہ فی الحال گھومنے پھرنے کا پلان نہ بنائیں،اس دفعہ تھوڑی سی تکلیف برداشت کر لیں اور انسانی جانیں بچائیں۔