حالیہ کچھ عرصے کو مدنظر رکھتے ہوئے بات کی جائے تو بھارت میں خودکشی کا رجحان بڑھتا ہی چلا جارہا ہے اور آئے روز ایسی خبریں سامنے آتی رہتی ہے۔
غیرملکی میڈیا رپورٹس کے مطابق اب بھارتی ریاست اتر پردیش میں ایک نوجوان طالبعلم نے دوسری بار بارہویں جماعت میں فیل ہونے پر خود کو گولی مارلی۔
خودکشی کرنے والے طالبعلم کا نام امیت تھا جس کا تعلق ضلع مراد آباد سے بتایا جارہا ہے، یہ طالبعلم دوسری مرتبہ بارہویں جماعت میں فیل ہوا جس پر اس نے مایوس ہوکر انتہائی قدم اٹھالیا۔
پولیس کے مطابق امیت نے گھر کی دوسری منزل پر جاکر اپنے والد کی لائسنس یافتہ پستول سے خود کو گولی مارلی، وہ انگلش میڈیم اسکول میں بارہویں جماعت کا طالبعلم تھا۔
پولیس کا مزید کہنا ہے کہ لاش کو پوسٹ مارٹم کیلئے اسپتال منتقل کردیا گیا ہے جبکہ جائے واردات سے کوئی خط نہیں ملا۔
