کراچی میں کورونا کی روک تھام کے لئے متعدد علاقے سیل کئے جارہے ہیں، لیکن لائٹ ہاؤس کے بازار میں بیشتر شہری ایس او پیز پر عمل درامد کو تیار نہیں۔
آل سٹی تاجر اتحاد کے چیئرمین کا کہنا ہے اگر حکومت یہاں لاک ڈاؤن کرتی ہے تو ہم ساتھ دیں گے۔
کراچی کا مشہور بازار لائٹ ہاؤس میں معمول کے مطابق خریدوفروخت جاری ہے، ماسک اور دستانوں کے بغیر شہری خریداری میں مصروف ہیں اور ایس او پیز نظر انداز کردیے گئے ہیں۔
بعض شہریوں کا کہنا ہے کہ ماسک سب کو پہننا چاہئے۔آل سٹی تاجر اتحاد کے چیئرمین کا کہنا ہے،بعض لوگ ایس او پیز پر عمل نہیں کر رہے۔
لائٹ ہاؤس کے اس بازار میں کورونا کا خوف بھلائے شہری روزانہ اسی طرح خریداری کرتے نظر آرہے ہیں۔
