بالی وڈ کے آنجہانی اداکار سشانت سنگھ راجپوت کی خودکشی کے بعد ایک جانب بھارتی عوام اور کئی معروف شخصیات نے سوشل میڈیا پر اقربا پروری کیخلاف محاذ کھڑا کردیا ہے۔ وہیں دوسری جانب بدھ کے روز بھارتی ریاست بہار کے ایک وکیل نے مقامی عدالت میں سلمان خان، کرن جوہر اور ایکتا کپور سمیت بالی وڈ کی 8 مشہور شخصیات کیخلاف کرمنل کمپلینٹ داخل کیا ہے۔
بھارتی میڈیا رپورٹس کے مطابق ایڈووکیٹ سدھیر کمار اوجھا کی جانب سے دائر کی گئی کرمنل کمپلینٹ پر عدالت نے کیس کی اگلی سماعت آئندہ ماہ کی 3 تاریخ کو مقرر کی ہے۔
یہ مقدمہ مختلف دفعات 306، 109، 504 اور 506 کے تحت دائر کرتے ہوئے ان میگا بالی وڈ شخصیات پر الزام عائد کیا گیا کہ انہوں نے سشانت سنگھ راجپوت کو ایک سازش کے تحت خودکشی پر مجبور کیا، جسے درخواست گزار نے قتل قرار دیا ہے۔
I have filed a case against 8 people including Karan Johar, Sanjay Leela Bhansali, Salman Khan & Ekta Kapoor under Sections 306, 109, 504 & 506 of IPC in connection with actor Sushant Singh Rajput's suicide case in a court in Muzaffarpur, Bihar: Advocate Sudhir Kumar Ojha pic.twitter.com/9jNdqvXVKr
— ANI (@ANI) June 17, 2020
مقدمے میں سپر اسٹار سلمان خان، ہدایتکار و پروڈیو کرن جوہر اور ایکتا کپور کے علاوہ ادیتیا چوپڑا، ساجد ناڈیاوالا، سنجے لیلا بھانسالی، بھوشن کمار اور ڈائریکٹر دنیش شامل ہیں۔
درخواست گزار وکیل نے دعویٰ کیا کہ یہ افراد سشانت کی فلموں کو ایک سازش کے تحت ریلیز نہیں ہونے دیتے تھے اور ان فراد کی وجہ سے ہی سشانت کو فلمی فنکشنز میں مدعو تک نہیں کیا جاتا تھا۔
In the complaint, I have alleged that Sushant Singh Rajput was removed from around seven films and some of his films were not released. Such a situation was created which forced him to take the extreme step: Advocate Sudhir Kumar Ojha
— ANI (@ANI) June 17, 2020
ایڈووکیٹ سدھیر کمار اوجھا کا کہنا ہے کہ سوشانت سنگھ کی موت سے صرف بہار کے لوگ ہی نہیں بلکہ پورے بھارت کے عوام افسردہ ہیں۔
کیس دائر کئے جانے پر ایکتا کپور نے ردعمل دیتے ہوئے اپنی انسٹاگرام پوسٹ میں کہا ہے کہ 'وہ ایسے سازشی خیالات پر اپ سیٹ ہیں جن میں کوئی سچائی نہیں، اس مقدمے پر شکریہ کہ میں نے سشانت کو لانچ نہیں کیا، حالانکہ میں نے ہی اسے لانچ کیا تھا'۔
انہوں نے مزید لکھا کہ 'میں اپ سیٹ ہوں کہ کس طرح ایسے خیالات پھیلائے جاسکتے ہیں، برائے مہربانی سشانت کے گھر والوں اور دوستوں کو سکون سے سوگ منانے دیں، سچ سامنے آئے گا، ان خیالات پر یقین نہ کریں'۔
یاد رہے کہ 34 سالہ سشانت سنگھ راجپوت نے اتوار کو ممبئی کے علاقے باندرہ میں واقع اپنے فلیٹ میں خود کو پنکھے سے لٹکا کر خودکشی کرلی تھی۔
