پاکستان ٹی ٹوئنٹی اور ون ڈے کرکٹ ٹیم کے کپتان بابر اعظم نے ٹوئٹر پر ایک تندور والے کے جذبہ انسانیت کی تعریف کرتے ہوئے انہیں سیلوٹ کیا ہے۔

تفصیلات کے مطابق بابر اعظم نے اپنے ٹوئٹر اکاؤنٹ سے ایک تندور والے کی تصویر شیئر کی ہے جس میں پیچھے یہ لکھا دیکھا جاسکتا ہے کہ 'جس کے پاس پیسے نہیں ہیں وہ اللہ کے کھاتے سے فری روٹی لے سکتا ہے'۔

بابر اعظم نے اس تصویر کو شیئر کرتے ہوئے فخر سے لکھا کہ 'یہ ہے میرا پاکستان، یہ ہے انسانیت، میرے اس دوست کو سلام جو اُن ضرورت مند اور مستحق افراد کو مفت میں روٹی فراہم کررہا ہے جو اسے خریدنے کی استطاعت نہیں رکھتے'۔

This is my Pakistan. This is humanity. Salute to you my friend for providing free bread to those who can't afford it. #RiseAndRise pic.twitter.com/6pzATKDJM8

— Babar Azam (@babarazam258) June 7, 2020

واضح رہے کہ ملک میں جاری کورونا وباء کی وجہ سے بے روزگاری اپنے عروج کو پہنچ گئی ہے اور اس وجہ سے غریب طبقہ بے حد متاثر ہوا ہے۔